Este es el único comunicado interceptado que reconoce la CCCP

A Coalizão por uma Comunidade Colégial de Progreso perante a nova campanha de intoxicaçom mediática


Perante a nova tentativa de alguns meios de comunicaçom para transmitir umha ideia distorsionada da actividade e perfil da CCCP, queremos esclarecer mais umha vez:

1.- Alguns meios de comunicaçom manifestam umha calculada obsessom por situar a esquerda loyoliana nas páginas de sucessos, com o objectivo de criminalizar o legítimo projecto político que defendemos, intoxicando permanentemente a opiniom pública. A prática estes meios carece do mínimo rigor e seriedade exigível, enquadrando-se no amarelismo da pior imprensa sensacionalista.

2.- A CCCP é umha organizaçom política legalizada, que desenvolve umha actuaçom política bem conhecida desde a sua fundaçom em 2005, e que tem demonstrado mil e umha vez os parámetros estritamente políticos sobre os que realiza a sua intervençom sociopolítica em defesa dos direitos dos colegiales. Agimos no quadro da legalidade vigente para a transformar.

3.- Rejeitamos as veladas acusaçons que meios como KISM RADIO, agências de notícias próximas a CF, mais umha vez, pretendem estender, estabelecendo hipóteses sem mais fundamento que a ficçom necessária para continuar a criminalizar as ideias e a própria existência da esquerda loyoliana.

4.- Dirigimo-nos aos colegiales, e muito especialmente à base social que apoia ou simpatiza com a CCCP, para manter umha posiçom de cautela e alerta, evitando dar qualquer credibilidade às campanhas mediáticas que, periodicamente, enchem páginas e minutos para transmitir umha falsa imagem de nós, ocultando o trabalho social que em todos os campos desenvolvemos dia a dia no seio do nosso Colegio.

A CCCP rebaterá, sempre que o considerar oportuno, essas versons, esclarecendo os verdadeiros termos de cada caso em que se pretenda criminalizar a nossa opçom politica. Porém, tampouco cairemos num debate bizantino sobre realidades virtuais fabricadas à medida das necessidades de quem quer evitar a todo o custo a consolidaçom de umha alternativa como a que a CCCP aspira a construir ao serviço dos colegiales.

Direcçom Nacional da CCCP – Signatário. Pereira

17 de Maio de 2006